Het offer an de paol Het offer an de paol is alweer de vierde thriller die zich ofspeult rond heufdinspecteur Freek Rossing. Ap Hilbers, een dikke boer uut Bunerveen, komp op een nacht niet thuus en is nargens te vinden. Was e op jacht en is der wat gebeurd? Hef zien inzet veur windmeulens in De Monden hum opbreuken? Of hef zien verdwiening te maken met een aal wieder oplopende ruzie over lelieteelt? Zien gezin blef vertwiefeld achter. Eerst wanneer hij vunden wordt, komp Freek Rossing in actie. Het offer an de paol is een verhaal over trots, wanhoop en vernedering. De tied blek in dörpen niet in staot om gebeurtenissen uut het verleden uut te wissen. Het boek speult tegen de achtergrond van veraanderings in Drenthe en de zuuktocht naor liefde en eerlijkheid. De pers over de veurige thrillers van Anne Doornbos: • Uut juryrapporten van de Streektaolpries: - Dat het mogelijk is een uitstekende detective te schrijven in de streektaal bewijst De paddenvanger. - De Drentse Wallander is bezig met een mooi oeuvre rond dezelfde persoon. Echt Drents, en niet alleen waar het verhaal zich afspeelt, alles lijkt te kloppen. Vakwerk. (Over: De man die Russisch preut) • Drents Letterkundig Tiedschrift Roet: - Kurt Wallander tussen de hunebedden. Dialoog schrijven is een kunst die Anne Doornbos tot in de perfectie beheerst. Anne Doornbos (Erica 1948) schref proza, poëzie, teniel- en liedteksten, veulal in het Drèents. Van hum verschenen de dichtbundels Een eerder laand en In nachten dat ik naost joe lig. Daornaost schreef e de verhalenbundels Dèenken an een zebra en Vremd volk. In 2018 verscheen zien eerste Drèentstaolige thriller, De paddenvanger, waormet e de Streektaolpries wun. In 2021 weur dat boek volgd deur De man die Russisch preut en in 2023 deur Grafgift. Anne Doornbos is betrökken bij een koppel literaire projecten in de streektaol.